المخطط ثابت نسبياً أغلب الفترة، دومينات جديدة ودومينات مفقودة بأعداد صغيرة ومتقاربة تقريباً (أقل من 20-30). بس فيه شهر وحد وسط الفترة صار فيه انخفاض ضخم غير طبيعي، وصل لأكثر من -200 دومين مفقود بشهر واحد، بينما الدومينات الجديدة نفس الفترة ما تجاوزت 30-40 تقريباً. يعني فجوة كبيرة جداً بين اللي راح واللي جا.

اللي يحيرني إن الانخفاض ما كان تدريجي، كان طفرة حادة بشهر واحد بس، وبعدها رجع المخطط لوضعه شبه الطبيعي بالأشهر اللي بعده.

أسئلتي:

1. هل هالنمط (طفرة فقدان حادة بشهر واحد ثم استقرار) عادة يدل على شي معين؟ مثل تحديث خوارزمية، أو تنظيف جماعي من مواقع كانت تربط ليا، أو حتى مشكلة تقنية بالموقع المرتبط (deindex جماعي)؟
2. هل ممكن يكون فيه علاقة بتغييرات على مواقع Web 2.0 أو منصات نشر مشابهة تسحب محتواها أو تغلق حسابات دفعة وحدة؟
3. وش أفضل طريقة أتحقق فيها من مصدر هالفقدان بالتحديد داخل Semrush نفسه (أي تقرير بالضبط أرجع له عشان أشوف الدومينات اللي راحت بالتحديد بذاك الشهر)؟

أي خبير بالمجال يقدر يوضح لي وش ممكن يكون وراء هالنمط بالضبط، أكون شاكر له.